ەكپە سالدىرعان قازاقستاندىقتان شەتەلدە پتر تالاپ ەتىلمەيدى

ءبىراق بۇل كەيبىر مەملەكەتتە عانا جارامدى.

2021 جىلعى 22 قىركۇيەكتەگى جاعداي بويىنشا، قازاقستان رەسپۋبليكاسىنىڭ سىرتقى ىستەر مينيسترلىگى گرۋزيا، قىرعىزستان، ماجارستان، مولدوۆا، موڭعوليا، تايلاند، جانە تۇركيانىڭ ۋاكىلەتتى ورگاندارىمەن ۆاكسينالاۋ پاسپورتتارىن ءوزارا تانۋ بوي نوتالارمەن الماسۋ جۇمىستارىن جۇرگىزدى، دەپ حابارلايدى Almaty-akshamy.kz ق ر ءسىم باسپا ءسوز قىزمەتىنە سىلتەمە جاساپ.

وسىلايشا كوروناۆيرۋستىق ينفەكسياعا قارسى ۆاكسينالاۋدىڭ تولىق كۋرسىنان وتكەن قازاقستان جانە جوعارىدا اتالعان ەلدەردىڭ ازاماتتارى COVID-19-گە قارسى ۆاكسينالاۋ پاسپورتتارى نەگىزىندە مەملەكەتتىك شەكارالاردى كارانتيندىك شەكتەۋلەرسىز (پتر تەست تاپسىرۋ، ءوزىن-وزى وقشالاۋ جانە ت.ب.) كەسىپ وتە الادى.

«سونىمەن بىرگە بەلارۋس، ۆەتنام، مىسىر جانە ومان سياقتى ەلدەر شەتەلدىك مەملەكەتتەردىڭ ۆاكسينالاۋ پاسپورتتارىن ءبىرجاقتى تارتىپپەن تانىدى جانە كەلۋشىلەرگە كىرۋدى جەڭىلدەتتى. اتالعان ەلدەرگە بارۋ ءۇشىن قازاقستان ازاماتتارىنا شەكارالىق وتكىزۋ پۋنكتتەرىندە COVID-19-گە قارسى ۆاكسينالاۋدى راستايتىن قۇجاتتى ۇسىنۋ جەتكىلىكتى»، – دەلىنگەن ق ر ءسىم حابارلاماسىندا.