Mundaı qyzmetterdiń obektıvti qunyn anyqtaý boıynsha júıeli jumys júrgizýde.
Qazaqstan Respýblıkasy Premer-Mınıstriniń birinshi orynbasary Roman Sklár kirme joldardyń tarıfteri boıynsha kezekti keńes ótkizdi, dep habarlaıdy Almaty-akshamy.kz Úkimettiń resmı saıtyna silteme jasap.
Úkimet mundaı qyzmetterdiń obektıvti qunyn anyqtaý boıynsha júıeli jumys júrgizýde. Osylaısha, taldaý barysynda ýákiletti organdar 86 tabıǵı monopolıa sýbektisin anyqtady, olar boıynsha kórsetilgen qyzmetter qunynyń senimdiligine qatysty tıisti sharalar qabyldanatyn bolady. Qabyldanǵan sharalardyń nátıjesinde birqatar sýbektilerdiń tarıfteri tómendetildi.
Mysaly, «Knaýf» (Almaty oblysyndaǵy qurylys materıaldaryn óndirýshi) jáne «Qazhrom» AQ (Aqtóbe oblysyndaǵy ferrohrom óndirýshi) qyzmetteriniń quny vagon/km 2 117,98 teńgeden 147,3 teńgege deıin tómendetildi. Bul sharalar tasymaldaý shyǵyndaryna jáne osy kompanıalardyń ónimderiniń sońǵy qunyna oń áser etedi.
Budan buryn habarlanǵandaı, bıylǵy 1 aqpanynan bastap elimizdiń birqatar oblysynda (Nur-Sultan, Almaty, Qyzylorda, Batys Qazaqstan, Qostanaı, Almaty, Pavlodar, Aqmola, Qaraǵandy, Shyǵys Qazaqstan, Aqtóbe jáne Soltústik Qazaqstan oblystary) kirme joldardy usyný boıynsha qyzmet kórsetetin 21 sýbektiniń tarıfteri tómendetildi. Úkimet bul baǵyttaǵy jumysty odan ári jalǵastyratyn bolady.