Túrkıanyń Gazıantep qalasynan ushyp shyqqan arnaıy reıs Astana áýejaıyna qondy.
Qutqarýshylardy aparǵan ushaqpen 18 azamat elge oraldy. Onyń 16-sy qazaqstandyq, taǵy 2 adam qyrǵyz azamaty, dep habarlaıdy Almaty-akshamy.kz Qazaqstan.tv saıtyna silteme jasap.
Dúmpý oshaǵynan kelgenderdiń biri - Aıbóbek Narbekqyzy. Jergilikti kilem fabrıkasynda jumys isteıtin otandasymyz Gazıantepte 5 jyldan beri turyp kelgen. Jer silkingen ýaqytta úıden qashyp shyǵyp, jumys ornyna barǵan. Aıtýynsha dúmpýdiń qatty bolǵany sonsha turǵyndar jeńil kıimmen dalaǵa shyǵyp ketken. Ol qazir Túrkıa áýejaılarynda basqa elderge ushyp ketip jatqan adam kóp ekenin aıtady.
«Ǵımarattar qırap jatyr. Sol ǵımarattyń astynda qalyp ketken áriptesim bar. Búgin keshke óli denesi tabyldy. Úsh sózben aıtyp jetkize alamyn. Birinshisi: túsinbeý, túsinbeısiń ne bolyp jatqanyn. Ekinshisi: qorqynysh, ózińniń ómirińe, joldasyńnyń ómirine, jaqyndaryńnyń ómirine. Úshinshisi: sol jaǵdaıdy qabyldaısyń. Endi jer silkinisi bitkennen keıin qaıtý kerek. Jumys kútip tur», - deıdi Qazaqstan azamaty Aıbóbek Narbekqyzy.