Qasym-Jomart Toqaev Túrkıa Respýblıkasynyń Qazaqstandaǵy elshiligine baryp, baýyrlas eldiń ońtústik-shyǵysynda bolǵan alapat zilzala saldarynan myńdaǵan adamnyń qaza tabýyna baılanysty kóńil aıtty. Sondaı-aq Qazaqstannyń jan-jaqty qoldaý kórsetetinin jetkizdi. Prezıdent kóńil aıtý kitabyna jazba qaldyrdy.
– Túrkıada bolǵan joıqyn jer silkinisi saldarynan kóp adamnyń qaza bolýy barshamyzdyń qabyrǵamyzdy qaıystyrdy. Qazaqstan halqynyń jáne jeke óz atymnan túrik baýyrlarymyzǵa kóńil aıtamyn, – dep jazdy Memleket basshysy.