Sońǵy eki aptada oblysta koronavırýstyń taralýy 1,5 ese ósken
Soltústik Qazaqstan oblysynyń sanıtar dárigerleri óńirde koronavırýstyń kúsheıýin vaksınalaý qarqynynyń tómendigi men delta shtamynyń taralýymen baılanystyryp otyr, dep habarlaıdy Almaty-akshamy.kz
SQO bas sanıtarlyq dárigeriniń orynbasary Arman Kúshbasovtyń aıtýynsha, keıingi kezderi oblys boıynsha tek 200-300 adam vaksına saldyrady, bul epıdahýalǵa keri áser ete bastaǵan.
Biraq Qazaqstannyń barlyq óńirindegi jaǵdaı birdeı emes. Mysaly, Túrkistan oblysynda jáne Shymkentte vaksınalaý jospary 30 qyrkúıekte oryndalǵan. Búginde eki óńir de «jasyl» aımaqta. Vırýs taraý qarqyny azaıyp, shekteý sharalary jeńildegen.
Al Soltústik Qazaqstan oblysynda, kerisinshe, vaksınalaý qarqyny azaıyp, aýrý deńgeıi ósip jatyr.
«Eki aptadan beri Soltústik Qazaqstan oblysy «qyzyl» aımaqta. Eger aýrý deńgeıi azaımasa, mekemelerdiń jumysyn toqtatyp, lokdaýn jarıalaýymyzǵa týra keledi. Árıne, bul májbúrli shara, sebebi naýqastar sanynyń kóbeıýi medısınalyq mekemelerge salmaq túsirýi múmkin»,- deıdi Arman Kúshbasov.