Polıseılerdiń qyzmettik modelin engizý
Almatynyń jańa turǵyn úı keshenderinde toǵyz ýchaskelik polısıa beketi paıda bolady, dep habarlaıdy Almaty-akshamy.kz Polisia.kz-ke silteme jasap.
Almaty polısıasynyń bastyǵy Qanat Taımerdenov Almatyda polıseılerdiń qyzmettik modelin engizý boıynsha pılottyq joba qalanyń Alataý aýdanynda júzege asyrylyp jatqanyn aıtty.
«Pılottyq jobany júzege asyrý úshin qaladaǵy bir aýdan anyqtaldy, bul – Almaty oblysymen shektesetin Alataý aýdany, negizinen jeke sektordyń úıleri kóp. Vedomstvoaralyq top jumys istep jatyr, ol qazir aqparat jınaýmen jáne taldaýmen aınalysyp jatyr. Bul, eń aldymen, máseleni sheshýdiń keshendi tásili, máselelerdiń kesirinen qylmystyq saldar týyndaıdy. Qyzmet modeli máseleniń keshendi sheshimin usynady. Mysaly, taldaý boıynsha, bir jyl ishinde bir kvartalda kóshedegi qylmystar, kóbinese buzaqylyq, qaraqshylyq jıi kezdesedi. Osy oramda júrgizilgen saýalnama aýmaqtyń jaryqtandyrylmaǵanyn, jańartylmaǵanyn, qaraýsyz qalǵan ǵımarattardyń bar ekenin kórsetti. Jergilikti atqarýshy organdardyń osy salany jaqsartýǵa jáne jetildirýge tıis qyzmetteri qosylady», – dep túıindedi Qanat Taımerdenov.
Sonymen qatar, Almaty qalasy PD basshysy qazirgi ýaqytta qalanyń Alataý, Áýezov, Jetisý, Naýryzbaı jáne Túrksib aýdandaryndaǵy jańa turǵyn úı keshenderiniń birinshi qabattarynda ýchaskelik polısıa pýnktteri úshin toǵyz úı-jaı satyp alynyp jatqanyn aıtty. Sondaı-aq, qoldanystaǵy 41 modýldik polısıa beketterine qosymsha jeteýi qondyrylady.