Bas prokýrordyń orynbasary Ǵalymjan Qoıgeldıev bir myńǵa jýyq qazaqstandyq shetelde jazasyn ótep jatqanyn aıtty, - dep habarlaıdy aqshamnews.kz tilshisi.
Búgin Senattyń jalpy otyrysynda depýtattar shetelde sottalǵan Qazaqstan azamattarynyń óz elinde jazasyn óteýge bas tartýy sebepterin surady.
Bul turǵyda Qoıgeldıev sottalǵan adamdy elimizge alyp kelý úshin onyń kelisimi bolýy kerek ekenin aıtty.
"Kelisimi bolmasa, ony májbúrlep ákele almaımyz. Ondaı mysaldar bizde bar. Qazir 958 qazaqstandyq shetelde jazasyn ótep jatyr. Olardyń kóbi, ıaǵnı 700-den astamy Reseıde. Sonyń arasynda Qazaqstanda qalǵan jazasyn ótegisi kelmeıtinder bar. Sebebi bul sottalǵandardyń sol elderde týystary men otbasy turyp jatyr", - dedi bas prokýrordyń orynbasary.