Qytaıdyń Sháýeshek qalasyndaǵy ár ulttan quralǵan bastaýysh mekteptiń oqýshylary Ábdimomyn Jeldibaevtyń «Erke sylqym» kúıin oryndady.
Halyqaralyq balalar quqyǵyn qorǵaý kúnine oraı uıymdastyrylǵan toptyq kúı bastalardan buryn balalar óz aty-jónderin jáne qaı ulttyń ókili ekenin aıtqan, dep habarlaıdy Almaty-akshamy.kz QazAqparatqa silteme jasap.
Shyn Shýo, Ýan Sy Sýn, Týn Lınlın, Ian Shını qatarly balalar ózderiniń hanzý (qytaı) ekenin aıtsa, Mına esimdi qyz dúngen ultynyń ókilimin dep tanystyrady. Al taǵy bir bala ózin oryspyn dese, endi bir jasóspirim óziniń qyrǵyz ekenin aıtady.
«Biz Sháýeshek qalasy 5-bastaýysh mektep oqýshylarymyz. Balalar merekesi qutty bolsyn!» - dep bastaıdy kúılerin ár ult ókilderinen quralǵan kúıshi jetkinshekter.