Qytaımen shekaradaǵy burynǵy aýdandardy qaıta qurý máselesi qaralyp jatyr. Bul týraly Ulttyq ekonomıka mınıstri Álibek Qýantyrov búgin Úkimet otyrysynda málim etti, dep habarlaıdy Almaty-akshamy.kz.
«Shekara mańyndaǵy aımaqtardy damytý úshin qandaı sharalar qabyldanýda?», - dep surady Álıhan Smaıylov Ulttyq ekonomıka mınıstrinen.
Álibek Qýantyrovtyń aıtýynsha, shekara mańyndaǵy aýdandardyń ınfraqurylymyn damytý qoldanystaǵy memlekettik baǵdarlamalar aıasynda iske asyp jatyr.
«2019-2022 jyldary «Aýyl – el besigi» baǵdarlamasy boıynsha shekaralyq aýylda 1,5 myń joba iske asyrylǵan. Bıyl 134 aýylda 300-ge jýyq joba júzege asyrylyp jatyr», - dedi ol.
Sondaı-aq vedomstvo basshysy shekaralyq aýyldardy sapaly ınternetpen jáne baılanyspen qamtamasyz etý máselesi kún tártibinde turǵanyn atap ótti.
«Týrızmdi, transshekaralyq týrızmdi damytý úshin qazirgi tańda tıisti jol kartasy ázirlenýde. Shekaralyq aýdandar degende, ásirese, Qytaımen shektesip jatqan keıbir aýmaqtardaǵy burynǵy aýdandardyń mártebesin qalpyna keltirý máselesi qarastyrylyp jatyr», - dedi mınıstr.