Memleketke 1 mıllıard 581 mıllıon 474 myń 315 som kóleminde zalal keltirilgen
Qyrǵyz Respýblıkasynyń densaýlyq saqtaý mınıstri Álimqadyr Beıshenalıev ustaldy, dep habarlaıdy Almaty-akshamy.kz Zakon.kz-ke silteme jasap.
QR Bas prokýratýrasynyń baspasóz qyzmetine silteme jasaı otyryp, 24kg Álimqadyr Beıshenalıevtiń sybaılas jemqorlyq qylmysy boıynsha kúdikke ilingenin habarlady.
2020 jyldyń jeltoqsanynan 2021 jyldyń qyrkúıek aralyǵynda Qyrǵyz Respýblıkasy Reseı, Qytaı, Ázirbaıjan jáne Qazaqstannyń halyqaralyq uıymdarynan óteýsiz negizde gýmanıtarlyq kómek túrinde 451 myń 560 vaksına alynǵany aıtylady.
«Sonymen qatar, Qytaı men Reseı prezıdentterimen bolǵan kelisim aıasynda elge gýmanıtarlyq kómek retinde 6 mıllıon doza vaksına bólindi. Densaýlyq saqtaý mınıstri Álimqadyr Beıshenalıevtiń jeke nusqaýy boıynsha 2021 jyldyń sáýir, maýsym, shilde jáne qyrkúıek aılarynda sheteldik jeke kompanıalardan 1 mıllıard 581 mıllıon 474 myń 315 som kelip tústi. Vaksınanyń 2 mıllıon 460 myń dozasy negizsiz satyp alyndy. Aqsha ofshorlyq shottarǵa aýdaryldy. Vaksınanyń 3 mıllıonnan astam dozasy artyq bolǵandyqtan, qalǵan preparattardyń jaramdylyq merzimi ótip ketti»,-delingen habarlamada.
Memleketke 1 mıllıard 581 mıllıon 474 myń 315 som kóleminde zalal keltirilgeni aıtylady.
Sybaılas jemqorlyq faktisi boıynsha qylmystyq is qozǵaldy. Mınıstrge jáne vedomstvonyń basqa da qyzmetkerlerine qatysty bes qylmystyq is tergeýge alyndy.