Alaıaq aqsha aıyrbastaýǵa kelgen qyzdyń 80 myń dollaryn qoldy etken
Qylmys Almatynyń Medeý aýdanynda boldy. Alaıaq óziniń jymysqy pıǵylyn Semeıde júrgen jerinen oılastyryp kelgen, dep habarlaıdy Almaty-akshamy.kz.
Almaty Polısıa departamentiniń málimetinshe, er adam Almatyǵa keldi, aqsha aıyrbastaý orny úshin keńse jaldap, tipti valúta aıyrbastaý týraly habarlandyrýdy da ilip qoıǵan. Valúta aıyrbastaýdyń qolaıly sharttary týraly qýlyqqa birinshi bolyp Almaty turǵyny túsken.
«Jeksenbi kúni, kezdesý ýaqytyna kelisip, qyz 80 myń dollardy quraıtyn barlyq somany belgilengen jerde jáne ýaqytta kúdiktige ákelip berdi. Er adam aıyrbastaımyn degen syltaýmen basqa bólmege kirip, qosalqy esik arqyly shyǵyp, jasyrynyp qaldy. Belgili bir ýaqyt kútken boıjetken óziniń aldanyp qalǵanyn túsinip, polısıadan kómek surady», - deıdi, Medeý aýdandyq polısıa Basqarmasy bastyǵynyń orynbasary, polısıa podpolkovnıgi Jánibek Shynasylov.
Kúdikti - 1985 jyly týǵan Sh.esimdi azamat. Ol Óskemen qalasynyń áýejaıynda ustaldy. Dál sol jerde ol urlanǵan aqshamen jasyrynbaq bolǵan.
Atalǵan derek boıynsha qylmystyq is qozǵaldy. Kúdikti qamaýda otyr.