Qazaqstan Respýblıkasynyń Prezıdenti Qasym-Jomart Toqaevtyń atynan memlekettik marapatty Syrtqy ister mınıstri Ermek Kósherbaev tabystady. Syrtqy saıası vedomstvonyń basshysy quttyqtaý sózinde Qazaqstan men Ázerbaıjannyń arasyndaǵy strategıalyq áriptestik pen tyǵyz yntymaqtastyqqa nazar aýdardy.
Óz kezeginde Elshi Álim Baıel Ázerbaıjandaǵy Elshiliktiń Qazaqstannyń syrtqy saıasatyn tıimdi iske asyrýǵa jáne qazaq-ázerbaıjan odaqtastyq qatynastaryn nyǵaıtýǵa baǵyttalǵan mindetterdi oryndaý boıynsha jumysty jalǵastyratynyn málimdedi.
Sonymen qatar, qaıyrymdylyq qyzmeti úshin «Qurmet» ordenimen ázerbaıjandyq kásipker Amıl Iýsıfov marapattaldy.
Ol AZAL áýe kompanıasy ushaǵynyń Aqtaý mańynda bolǵan apatynda qaza tapqan Qazaqstan azamattarynyń týystaryna páterler, sondaı-aq Aqtaý qalasynyń qutqarýshylaryna, aýrýhanasyna jáne jedel járdem stansıasyna avtokólikter syılaǵan bolatyn.