Qazaqstandyq balýan Daryn Áskerbek Italıada ótken erkin kúresten álem chempıonatynyń fınalynda amerıkalyq qarsylasynan basym tústi, dep habarlaıdy Almaty-akshamy.kz Almaty.tv-ge silteme jasap.
Shyǵys Qazaqstan oblysynyń týmasy Daryn Áskerbek Italıanyń Rım qalasynda ótken 17 jasqa deıingi jasóspirimder arasyndaǵy álem chempıonatynda 55 keli salmaqta el namysyn qorǵady.
Balýan Hýsanboı Ýsmonovty (Ózbekstan), Arena Serobándy (Armenıa) jeńip, jartylaı fınalda nemis Iannıs Rebgolspen shyqty.
Qarsylasynan basym túsken ol fınalda amerıkalyq Djeksen Patrık Forrestti tiz búktirip, álem chempıony atandy.
Aıta keteıik, erkin kúresten Qazaqstan qorjynyna sońǵy altyn 2013 jyly buıyrǵan bolatyn.