Barlyq óńirlerdiń tutynýshylaryna jaryq qaıta berildi.
Qazaqstanda arnaıy komısıa quryldy. Bul komısıa ońtústik óńirlerde elektr energıasyn óshirý sebepterin tekseredi, dep habarlaıdy Almaty-akshamy.kz.
«Qazaqstan Respýblıkasy Energetıka vıse-mınıstriniń basshylyǵymen ońtústik óńirlerdiń tutynýshylaryn elektrmen jabdyqtaýǵa sebep bolǵan «KEGOC» AQ elektr jelilerinde tehnologıalyq buzýshylyqtyń týyndaýy jáne damý sebepteri men sharttaryn obektıvti jáne jan-jaqty anyqtaý maqsatynda arnaıy komısıa quryldy», - delingen QR Energetıka mınıstrligi baspasóz qyzmetiniń habarlamasynda.
Tekseris nátıjeleri boıynsha oryn alǵan tehnologıalyq buzýshylyqtarǵa aldaǵy ýaqytta jol bermeý, sondaı-aq Qazaqstan Respýblıkasynyń Biryńǵaı elektr energetıkasy júıesiniń jumys isteý turaqtylyǵyn arttyrý jónindegi uıymdastyrýshylyq jáne tehnıkalyq is-sharalar ázirlenetin bolady.
Esterińizge sala keteıik, 25 qańtarda Almaty, Jambyl, Túrkistan, Qyzylorda oblystarynda jáne Almaty men Shymkent qalalarynda elektr energıasy apattyq jaǵdaıda ajyratylyp, sol kúni saǵat 16.00-de Qazaqstannyń ońtústik aımaǵynyń barlyq óńirleriniń tutynýshylaryna jaryq qaıta berildi.