Biraýyzdan sheshim qabyldandy.
24 naýryzda Qaırat Ahmettaevtyń tóraǵalyǵymen Qapshaǵaı qalalyq máslıhatynyń turaqty komısıasynyń otyrysy ótti. Onda qalalyq ishki saıasat bóliminiń basshysy Bıbigúl Shaıkenovanyń Qapshaǵaı qalasyna Dinmuhamed Qonaev esimin berý máselesi jónindegi baıandamasy tyńdaldy, dep habarlaıdy Almaty-akshamy.kz QazAqparatqa silteme jasap.
Shaıkenova qala ákiminiń atyna «Qamqor júrek» jáne «Qapshaǵaı, samǵa» múgedekterdiń qoǵamdyq birlestikteri, kóp balaly analardyń «Ana sáýlesi» qoǵamdyq birlestigi, Qapshaǵaı qalalyq «Semeı polıgony» qoǵamdyq birlestigi, Qapshaǵaı qalalyq «Qapshaǵaı qalalyq polıgony» qoǵamdyq birlestikteri sıaqty túrli úkimettik emes uıymdar men AMANAT, «Aq jol» partıalarynan Qapshaǵaı qalasyn Dinmuhamed Qonaev dep ataý týraly bastama qoldaýhat kelip túskenin málimdedi.
Daýys berý qorytyndysy boıynsha, Qapshaǵaı qalasynyń ataýyn "Dinmuhamed Qonaev" dep ózgertý týraly biraýyzdan sheshim qabyldandy.
Aıta keteıik, jarıa tyńdaýdyń hattamasy jergilikti atqarýshy jáne quzyrly organdardyń ınternet-resýrstarynda jáne «Nurly ólke» gazetinde jarıalandy.