Uıymdasqan toptyń músheleri qylmystyq jaýapkershilikke tartylýda.
Bas prokýrordyń orynbasary Áset Shyndalıev qańtar oqıǵasyna qatysty terorızm babymen eki is qaralyp jatqanyn aıtty, dep habarlaıdy Almaty-akshamy.kz QazAqparatqa silteme jasap.
«Qazirgi kezde terorızm baby boıynsha eki is qaralyp jatyr. 24 uıymdasqan toptyń músheleri qylmystyq jaýapkershilikke tartylýda. Al terorızm boıynsha 46 adam kúdikke ilindi», - dedi Á. Shyndalıev Senatta tilshiler saýalyna jaýap bere otyryp.
Sonymen qatar ol qańtar oqıǵasy kezinde qylmys jasaǵan adamdardyń arasynda basqa elderdiń azamattary bolǵanyn atap ótti. Degenmen Bas prokýrordyń orynbasary olar qaı memleketterden kelgenin naqty aıta almady.
Budan buryn habarlanǵandaı, qańtarda 20-ǵa jýyq adam jappaı tártipsizdikti uıymdastyrýshy retinde kúdikke ilindi.
Sonymen qatar qańtar oqıǵasy kezinde zań buzǵan quqyq qorǵaý organdary qyzmetkerleriniń tek bireýine raqymshylyq jasalatyny málim boldy.
Búgin Senattyń jalpy otyrysynda «Raqymshylyq jasaý týraly» Zań qabyldandy.