Kezdesý barysynda birlesken yntymaqtastyq múmkindigin talqylady.
Almaty ákimi Erbolat Dosaev Eýropa qaıta qurý jáne damý bankiniń (EQQDB) vıse-prezıdenti Alan Pıýmen qalanyń ınfraqurylymyn jaqsartý jónindegi jobalardy jáne shaǵyn jáne orta bıznesti damytý jónindegi bastamalardy talqylady, dep habarlaıdy Almaty-akshamy.kz.
Almaty ákimdigi men EQQDB sońǵy 13 jyl ishinde turǵyn úı-kommýnaldyq sharýashylyqty, ınfraqurylymdy modernızasıalaýǵa jáne kólik sektoryn damytýǵa baǵyttalǵan bastamalardy ilgeriletý aıasynda jemisti yntymaqtasýda.
Kezdesý barysynda troleıbýs parkin jańartý perspektıvasy jáne tartqysh qosalqy stansıalardy (190 troleıbýs, 10 qosalqy stansıa) modernızasıalaý máselelerine erekshe nazar aýdaryldy.
Taraptar sondaı-aq jeńil relsti kólik (JRK) qurylysy boıynsha birlesken yntymaqtastyq múmkindigin talqylady. Eýropalyq qaıta qurý jáne damý banki buryn (2015-2018 jj.) Almaty qalasynda JRK júıesin salý jáne paıdalaný jobasyn iske asyrýdyń jaılylyǵy (ekologıalyq, ekonomıkalyq jáne áleýmettik taldaýdy qosa alǵanda) boıynsha zertteýler júrgizgen bolatyn.
Kezdesý barysynda qaladaǵy ekologıalyq ahýal máseleleri talqylandy. Aǵymdaǵy jyldyń aqpan aıyndaǵy aldyn ala derekter boıynsha aýada azot dıoksıdi (NO2) normasynyń 6 ese, kúkirt dıoksıdi (SO2) jáne azot oksıdi (N2O) normasynyń 5 ese artýy tirkelgen. Lastanýdyń negizgi kózderiniń biri ónerkásiptik kásiporyndar bolyp tabylady (37%). Saraptamalyq qorytyndyǵa sáıkes, JEO-2 modernızasıalaý qajet. EQDB jobanyń kredıtorlarynyń biri retinde ákimdik tarapynan qoldaý surady, ol kómek kórsetýge daıyn ekenin rastady. Jobany tabysty iske asyrý úshin birlesken jol kartasy ázirleneli jáne qabyldanatyn bolady.
Kezdesý barysynda Almatyda energıa tıimdiligi jáne energıa únemdeý boıynsha ESG-jobalaryn iske asyrý, sý, jylý shyǵyndaryn azaıtý úshin ınjenerlik ınfraqurylymdy modernızasıalaý jáne t.b. máseleler talqylandy.
Qalany damytýdyń mańyzdy baǵyty ony sıfrlandyrý bolyp tabylady. Taraptar qalanyń ınfraqurylymy men prosesteriniń joǵary dáldiktegi sıfrlyq kóshirmesi bolyp tabylatyn "sıfrlyq kóshirme" jobasyn iske asyrý boıynsha usynysty qarady. Júıe klımattyń ózgerýi, qoǵamdyq kólik, halyqtyń ósýi jáne t. b. máselelerdi qosa alǵanda, túrli jaǵdaılarda nfraqurylymdy dereý-testileý derekterin óńdeýge arnalǵan platforma bolyp tabylady.
Shaǵyn jáne orta bıznesti qoldaý jáne damytý maqsatynda birlesken baǵdarlamalar men bastamalar talqylandy. Aıta keterligi, kásipkerlik salasy qala úshin zor mańyzǵa ıe – bul sektorda 10 almatylyqtyń 6-y jumys isteıdi.
Kezdesý sońynda taraptar usynylǵan jobalardy bir aı merzimde zerdeleýge jáne odan ári yntymaqtastyq maqsatynda talqylaýlarǵa qaıta oralýǵa kelisti.