Ákimshilik hattamasy toltyryldy
Pavlodar qalasy N.Nazarbaev dańǵyly boıyndaǵy Toraıǵyrov - Qaıyrbaev kósheleriniń shekarasynda qazylǵan jer qaıta jóndeýden ótpegen, dep habarlaıdy Almaty-akshamy.kz QazAqparat-qa silteme jasap.
Qalalyq turǵyn úı ınspeksıasy jáne komýnaldyq sharýashylyq bólimi málimdegendeı, bólim ókilderi N.Nazarbaev dańǵylyndaǵy Toraıǵyrov - Qaıyrbaev kósheleriniń shekarasynda ornalasqan ýchaskede merzimi ótken ruqsat qujattarymen jer jumystaryn júrgizý faktisin tirkedi.
«Buzylǵan abattandyrý elementteri de merziminde qalpyna keltirilmegen», - delingen habarlamada.
Oqıǵa ornyna qalalyq PB JPQ organdary shaqyryldy. Osyǵan baılanysty zańdy tulǵaǵa qatysty QR ÁQBtK-niń 505-babyna sáıkes eskertýlerdi joıýǵa májbúrleý ákimshilik hattamasy toltyryldy. Sonymen qatar 92 myń teńge kólemindegi aıyppul salyndy.