«Oral» halyqaralyq áýejaıyna Keńes Odaǵynyń Batyry Mánshúk Mámetovanyń esimin berý usynyldy, dep habarlaıdy almaty-akshamy.kz QazAqparatqa silteme jasap.
BQO tilderdi damytý basqarmasynyń basshysy mindetin atqarýshy Sveta Ǵanıevanyń málim etkenindeı, Nur Otan partıasy oblystyq fılıaly janyndaǵy «Mıras» qoǵamdyq keńesi jáne oblystyq máslıhat depýtattarynan «Oral» halyqaralyq áýejaıyna Keńes Odaǵynyń Batyry Mánshúk Mámetovanyń esimin berý týraly usynys túsken. Bul másele búgin oblystyq máslıhattyń 7-sessıasynda qaralyp, depýtattar tarapynan biraýyzdan qoldaý tapty. Tıisti sheshim qabyldandy.
«Endi usynys QR Úkimeti janyndaǵy respýblıkalyq onomastıka komısıasynyń qaraýyna joldanatyn bolady», - dedi QazAqparat tilshisine S.Ǵanıeva.