"QTJ-Júk tasymaly" JSHS-niń fılıaldarynda zańsyz esepteý faktileri anyqtaldy
Kólik prokýrorlary "QTJ-Júk tasymaly" JSHS-niń fılıaldarynda qarjylandyrýǵa jatpaıtyn 742 adamǵa 10 mln teńgeden astam somaǵa syıaqylar men tólemderdi zańsyz esepteý faktilerin anyqtaǵan. Bul týraly Bas prokýratýranyń resmı ókili Darhan Dúısembaı málimdedi, dep habarlaıdy almaty-akshamy.kz.
Onyń aıtýynsha kásiporynnyń Aqmola fılıaly ómirden jeti jyl buryn ótken zeınetker atyna aqshalaı qarajat aýdaryp otyrǵan.
Budan bólek, Qaraǵandyda kadr bóliminiń basshysy ata-anasyn temirjolshy zeınetkeri retinde zańsyz tizimge qosyp, olarǵa bes jyl boıy 1 mln teńgeden astam somaǵa jeńildikter, ótemaqy tólemderi men syılyqaqylardy berip otyrǵan.
Qazirgi kezde zańsyz tólemderdi qaıtarý boıynsha sharalar qabyldanýda.
Sonymen qatar, aýdıtorlyq tekserýler taǵaıyndalyp, sotqa deıingi tergep-tekserý bastaldy.