Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın qazaqstandyqtardy mobıldi ınternetti únemdep paıdalanýǵa shaqyrdy, dep habarlaıdy Almaty-akshamy.kz.
«Qazaqstandyqtar (aıyna – red.) 15-20 Gbaıt aqparat tutynyp úırenip qalǵany túsinikti. Biraq únemdeıikshi, mobıldi ınternet degen qymbat ekenin túsineıikshi. Úıge kelgende Wi-Fi-ǵa qosylý kerek. Qandaı da bir mádenıet bolýy tıis», - dedi Baǵdat Mýsın búgin Úkimet otyrysynan keıin tilshilerge bergen suhbatynda.
Sondaı-aq mınıstr elimizde eń tómengi mobıldi ınternet tarıfi 2700 teńge turady degen málimet keltirdi.