Qalada aldynǵy sheptegi polısıa bólimsheleri apta saıyn reıdter júrgizedi.
Almaty polısıasy azamattardyń kólik buzaqylaryna shaǵymdana alatyn «senim telefonyn» iske qosty, dep habarlaıdy Almaty-akshamy.kz.
Almaty qalalyq polısıa Departamenti Baspasóz qyzmeti málim etkendeı, qolaıly aýa raıy jaǵdaıynyń bastalýymen kólikti jyldam jáne qatty júrgizýdi jaqsy kóretinder de belsendi bola bastaǵan. Bul óz kezeginde jol qozǵalysy erejelerin buzýǵa ákep soǵady jáne kóp jaǵdaıda turǵyndardyń tynyshtyǵyn buzady, ásirese túngi mezgilde eldiń mazasyn alady.
«Jastar qaýip týdyra otyryp, qala kóshelerinde jarys uıymdastyrady. Sonymen qatar, olar kólikterin qaıta jabdyqtaıdy, tyıym salynǵan jabdyqty, onyń ishinde ásirese túnde qatty dybys shyǵaratyn rezonatorlardy ornatady. Bul qala turǵyndarynyń ádil synyna sebep bolady», - dedi Almaty qalasy PD jergilikti polısıa qyzmeti Basqarmasynyń bastyǵy, polısıa polkovnıgi Manap Sattarov.
Sonymen qatar onyń aıtýynsha, mundaı faktilerdi joıý úshin aldynǵy sheptegi polısıa bólimsheleri apta saıyn reıdter júrgizedi. Quqyq buzýshylyqtarǵa jyldam áreket etý úshin senim telefony da ashylypty.
«Bul quqyq buzýshylyqtarǵa jedel áreket etý úshin senim telefony quryldy Ol - 87783176845. Biz jarysýshylar kóp jınalatyn jerlerge kóptegen jasaqtardy shoǵyrlandyramyz jáne kez kelgen zańsyz kórinisterdi joıamyz. Osy jumys barlyq jerde jalǵasyn tabady. Bul sharalar joldardaǵy qaýipsizdik deńgeıin jaqsartýǵa baǵyttalǵan», - dedi Manap Sattarov.