Osy kúzde Almatynyń «Kók tóbe» saıabaǵynda jaıaý júrginshilerge arnalǵan «Densaýlyq joly» paıda bolady
Almatynyń «Kók tóbe» saıabaǵynda jaıaý júrginshilerge arnalǵan trotýar paıda bolady, onyń qurylysy aǵymdaǵy jyldyń qarasha aıynda aıaqtalatynyn Almaty ákimi Erbolat Dosaev Medeý aýdanynyń turǵyndarymen kezdesýinde málimdedi, dep habarlaıdy Almaty-akshamy.kz.
«Jeke qarajat esebinen qyrkúıek aıynyń basynda «Kók tóbe» saıabaǵyna deıin uzyndyǵy 1,2 km jaıaý júrginshiler trotýaryn jaılastyrý jumystary bastaldy. Búgingi tańda joldy keńeıtý jumystary júrgizilip, oryndyqtar men ýrnalar ornatylady. Aıaqtalý merzimi-osy jyldyń qarasha aıy», - dedi ákim Erbolat Dosaev.
Buǵan deıin qala basshysy turǵyndarmen kezdesýlerde Almaty turǵyndary men qonaqtary kólik júretin bólikpen júrýge májbúr bolǵanyn, onyń qolaısyzdyq pen qaýip týdyrǵanyn atap ótti. Qala turǵyndarynyń ótinishterin eskere otyryp, ákimniń tapsyrmasy boıynsha bıylǵy 3 toqsanda jaıaý júrginshilerge arnalǵan «Densaýlyq joly» qurylysy bastaldy.