Qyzylorda oblysynda kókpar kezinde júrgizýshi kólikpen oıyn alańyna kirip ketip, birneshe jylqyny qaqqan.
Qyzylorda oblystyq Polısıa departamentiniń habarlaýynsha, bul oqıǵa 2025 jyldyń 1 qarashasynda Shıeli aýdanynyń Alǵabas aýylynda, jergilikti turǵyn uıymdastyrǵan kókpar kezinde bolǵan.
"Áleýmettik jelide jarıalanǵan beınejazba boıynsha tekserý júrgizildi. Oqıǵa boıynsha buzaqylyq deregimen qylmystyq is qozǵaldy. Avtokólik júrgizýshisi polısıa bólimine jetkizildi", – delingen departament habarlamasynda.
Polısıa sotqa deıingi tergeý barysynda oqıǵaǵa qatysqan barlyq tulǵanyń áreketine quqyqtyq baǵa beriletinin atap ótti.
Sonymen qatar, tártip saqshylary azamattarǵa eskertý jasady: "Kez kelgen sporttyq nemese mádenı-buqaralyq is-sharany ótkizý úshin ýákiletti organdardy aldyn ala habardar etý qajet. Uıymdastyrý tártibin buzǵan tulǵa ákimshilik jaýapkershilikke tartyldy".