Qyrkúıek aıynda ol 12,9%-ǵa jetken jyldyq ınflásıa qazanda 12,6%-dy kórsetti, dep habarlaıdy aqshamnews.kz
Qazanda aılyq ınflásıa deńgeıi 0,5%-dy qurady.
Azyq-túlik taýarlarynyń ishinde:
basty pıaz – 7,7%-ǵa,
alma – 6,1%,
qyzylsha – 5,1%,
qyryqqabat – 4,7%,
sábiz – 4,4%,
qant – 2%,
júzim – 1,1%,
lımon – 0,8% arzandady.
Sonymen qatar:
shokolad 2,3%-ǵa,
kofe, daıyn dámdeýishter men tuzdyqtar – árqaısysy 1,8%-ǵa,
qurma 1,6%-ǵa,
jarma ónimderi 0,7%-ǵa qymbattady.
Azyq-túlik emes taýarlar arasynda bıylǵy qazan aıynda otandyq qurastyrylǵan jańa avtokólikterdiń baǵasy 1,5%-ǵa tómendedi. Qolshatyr 4,2%-ǵa, elektr jylytqysh 2,5%-ǵa, sement 0,4%-ǵa qymbattady. Jýý jáne tazalaý quraldarynyń, jeke qoldanylatyn taýarlardyń baǵasy 1%, kıim men aıaq kıim, turmystyq aspaptar 0,8%-ǵa ósti.
Turǵyn úı-kommýnaldyq qyzmetter salasynda sýyq sý tarıfi 40%-ǵa, taratý jelileri arqyly tasymaldanatyn gaz tarıfi 10,7%-ǵa, elektr energıasy tarıfi 2%-ǵa tómendedi. Qoǵamdyq tamaqtaný qyzmetteri 2%-ǵa, shashtarazdar men sulýlyq salondary qyzmetteri 1,5%-ǵa, trenajer zaldary 0,8%-ǵa qymbattady.
"Azyq-túlik ishinde jyldyq mánde kúrish 8,3%-ǵa, órik 5%-ǵa, qyzanaq 1,4%-ǵa arzandady. Keptirilgen jemister men jańǵaqtar 2,9%-ǵa qymbattady", - dep jazylǵan habarlamada.
Azyq-túlikke jatpaıtyn taýarlardyń ishinde kir keptirgish 31,7%-ǵa, muzdatqysh 16,6%-ǵa, útikteý taqtasy 13,6%-ǵa arzandady. As úı quraldary baǵasynyń deńgeıi 7%-ǵa, elektrburǵy 5,9%-ǵa, elektr shamy 5,2%-ǵa ósti.
2024 jyldyń qazan aıymen salystyrǵanda aıaq kıim jóndeý qyzmetteriniń baǵasy 8,9%-ǵa, turǵyn úı-jaılarǵa qyzmet kórsetý jáne jóndeý boıynsha qyzmetterdiń baǵasy 7,8%-ǵa ósti. Baseın qyzmetteri 10%-ǵa, trenajer zaldary 8,8%-ǵa qymbattady.