QR Parlament Májilisinde «Janýarlarǵa jaýapkershilikpen qaraý» týraly zań jobasy qaralyp jatyr. Osy zań jobasynyń 5-babynyń 1-tarmaǵynyń 5-tarmaqshasyna redaksıa jasaldy, dep habarlaıdy almaty-akshamy.kz baq.kz silteme jasap.
Zań jobasynyń 5-baby janýarlardy qatygezdikpen qaraýdan qorǵaý týraly bolatyn. Buǵan deıingi mátininde: «1. Janýarlardy qaraǵan kezde: 5) janýarlardyń jaraqattanýyna, mertigýine nemese ólip qalýyna ákeletin oıyn-saýyq is-sharalaryn uıymdastyrýǵa jáne ótkizýge tyıym salynady», - dep kórsetilgen.
Eger bul tarmaqsha osy boıy qabyldanatyn bolsa, elimizdiń Ulttyq sport salasyna tyıym salýǵa týra kelýi múmkin edi. Sebebi ulttyq sportymyzdyń 80 paıyzǵa jýyǵy at ústinde, saıat qustarymen, tazy ıttermen tikeleı qatysty. Al «ómir bar jerde ólim bar», túrli oqys jaǵdaı týyndaýy ábden múmkin.
Osyny eskere otyryp, Parlament Májilisiniń depýtattary Darıǵa Nazarbaeva men Bekbolat Tileýhan zań jobasyna túzetýler usynǵan bolatyn.
Búgin zań jobasyn talqylaýǵa qatysty otyrysta atalǵan 5-tarmaqshaǵa túzetýler engizildi. Onda 5-tarmaqsha Ulttyq sport túrlerine qatyssyz ekeni kórsetildi.
5-bap. Janýarlardy qatygezdikpen qaraýdan qorǵaý. 1. Janýarlardy qaraǵan kezde: 5) Qazaqstan Respýblıkasynyń «Dene shynyqtyrý jáne sport týraly» zańyna sáıkes, janýarlar qoldanylatyn ulttyq sport túrleriniń sporttyq sharalaryn qospaǵanda, janýarlardyń jaraqattanýyna, mertigýine nemese ólip qalýyna ákeletin oıyn-saýyq is-sharalaryn uıymdastyrýǵa jáne ótkizýge tyıym salynady, – delingen jańa redaksıada.