Qazaqstannyń Tuńǵysh Prezıdenti kórnekti ǵalym Serık Qırabaevtyń dúnıe salýyna baılanysty otbasyna kóńil aıtý hatyn jiberdi
Elbasy Nursultan Nazarbaev Serik Smaıyluly Qırabaevtyń dúnıeden ótýine baılanysty marqumnyń otbasyna jedelhat joldap, kóńil aıtty, dep habarlaıdy Almaty-akshamy.kz 24.kz-ke silteme jasap
«Sanaly ǵumyryn ǵylymı-pedagogıkalyq qyzmetke arnaǵan Serik Smaıyluly otandyq ádebıettaný salasyn damytýǵa qomaqty úlesin qosqan iri ǵalym bolatyn. Ol ulaǵatty ustaz edi. Únemi azamattyq aıqyn ustanymyn tanytyp, qajyrly qaıratkerligimen elimizdiń ósip-órkendeýine atsalysyp, kóptiń syı-qurmetine bólendi, sońyna kóptegen mándi ǵylymı zertteýleri men izbasar shákirtterin qaldyrdy», - delingen jedelhatta.
Elbasy Serik Smaıylulynyń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.