Chempıonatqa 13 elden 60 sportshy qatysady
Shymkent qalalyq ıpodromynda Azıa Chempıonaty qarsańynda jamby atýdan Qazaqstan quramasynyń oqý-jattyǵý jıyndary ótip jatyr, dep habarlady almaty-akshamy.kz.
Jamby atýdan Qazaqstan ulttyq quramasynyń bas bapkeri Eldos Badashev sportshylardyń daıyndyǵyna toqtaldy.
5-shi Dúnıejúzilik kóshpendiler oıyndaryna daıyndyqty aqpanda bastadyq. Alǵashqy oqý-jattyǵý jıyndarynda sportshylardyń dene shynyqtyrýyna basa nazar aýdaryldy. Bul jattyǵý jıyndaryna quramamyzdyń sportshylary da qatysady. Alda taǵy eki kezeń bar, – dedi bas jattyqtyrýshy.
Birinshi Azıa chempıonaty qarsańynda Shymkent ıpodromynda jamby atýdan Saýd Arabıasynyń ulttyq quramasy da jattyǵyp jatyr.
Aıta ketsek, 14-18 sáýir aralyǵynda Shymkentte eresekter arasynda jamby atýdan birinshi Azıa chempıonaty ótedi. Chempıonatqa 13 elden 60 sportshy qatysady. Jarysqa Indonezıa, Kýveıt, Qyrǵyzstan, Qytaı, Mońǵolıa, Oman, Ózbekstan, Pákistan, Reseı, Saýd Arabıasy, Sırıa, Taıland, Qazaqstan sportshylary qatysady.
Eske sala ketsek, Respýblıkalyq jamby atý federasıasy Ulttyq sport qaýymdastyǵynyń quramyna kiredi. Qaýymdastyq quramynda budan ózge «Báıge», «Kókpar», «Aýdaryspaq», «Sadaq atý», «Teńge ilý», «Qusbegilik», «Asyq atý», «JORYQ» at sporty jáne t.b. federasıalar bar. QR Ulttyq sport qaýymdastyǵyn belgili kásipker, mesenat, «Altyn Qyran Foundation» Qoǵamdyq qory Qamqorshylyq keńesiniń tóraǵasy Islambek Saljanov basqarady.