Apat aımaǵynan adamdar ketip jatyr.
Ispanıanyń Pálma aralyndaǵy janartaýdyń atqylaýy jalǵasyp, apat aımaǵynan adamdar ketip jatyr, dep habarlaıdy Almaty-akshamy.kz 24.kz-ke silteme jasap.
Sońǵy kúnderi kúl men shoqtan tóngen qaýipke baılanysty taǵy 3 aýyl halqy qaýipsiz jerge kóshirildi. Sebebi janartaýda taǵy bir jaryqshaq paıda bolyp, lavanyń atqylaýy kúsheıgen. Qazirge deıin taýdan aqqan ystyq shoq 400-den astam úıdi búldirip, kóptegen júzim men banan alqabyn kúlge aınaldyrǵan. Jergilikti bıliktiń aıtýynsha, dereý qımyldaýdyń arqasynda eshkim japa shekpegen. Eske sala keteıik, ótken jeksenbi kúni Pálma aralynda Kýmbre-Veha janartaýy atqylap, apat aımaǵynan 7 myńdaı adam evakýasıalanǵan edi. Áýejaı jabylyp, adamdar teńiz arqyly ketýge májbúr.
«Biz munda demalýǵa kelgen edik, biraq tabıǵat apatynan úıge qaıtýǵa májbúrmiz. Barsonaǵa deıin ushýymyz kerek edi, biraq áýejaı jabyq. Sondyqtan Tenerıfege deıin kememen jetip, ary qaraı ushaqqa otyrmaqpyz», - dedi jergilikti turǵyn.
«Men munda týǵandaryma kómektesý úshin ózge araldan kelip edim. Biraq taýdan aqqan ystyq shoqtan olardyń úıi janyp ketip, barlyq múlkinen aıyrylyp qaldy», - dedi ol.