Dáriger teledıdardy kóp kórýdiń qandaı qaýpi baryn aıtty
Amerıkalyq ǵalymdar zertteý júrgizip, teledıdar aldynan shyqpaıtyn adamdardyń densaýlyǵyna nendeı qaýip tónip turǵanyn anyqtady, dep habarlaıdy Almaty-akshamy.kz Sputnik Qazaqstanǵa silteme jasap.
Teledıdardy tym jıi kórý mıdaǵy sur zat kóleminiń tómendeýine baılanysty kognıtıvtik quldyraý men oılaý qabiletiniń tómendeýine ákelýi múmkin. Bul týraly Kolýmbıa ýnıversıtetiniń Irvınga medısına ortalyǵynyń nevrology Prıa Paltaǵa silteme jasap Eat this, Not That! basylymy jazdy.
«Az qozǵalatyn ómir saltynyń bir belgisi sanalatyn teledıdardy tym jıi kórý mıdyń kognıtıvtik qabiletiniń tómendeýine tikeleı baılanysty bolýy múmkin. Muny biz júrgizgen zertteý nátıjesi kórsetti», – deıdi sarapshy.
Tez qartaıýǵa áser etetin ekinshi faktor – ınternetti jıi jáne uzaq paıdalaný. Tym belsendi paıdalanýshylar fızıkalyq belsendiliktiń jetispeýshiliginen zardap shegedi, sondaı-aq kompúter men smartfon ekranynan beriletin jaryqtyń zarbadyn kóredi.
Sondaı-aq mamandar mı men teriniń qartaıýyna turaqsyz uıqy rejımi, kúızeliske túsý áser etedi dep sanaıdy. Iel ýnıversıtetiniń zertteýine sáıkes, emosıany durys kórsetýge kómektesetin jattyǵýlarǵa qatysqandardyń baıaý qartaıatyny anyqtalǵan.