Almaty men Rosarıo qalalary arasyndaǵy baýyrlastyq
Qazaqstan Respýblıkasy táýelsizdiginiń 30 jyldyǵyn merekeleý sheńberinde Qazaqstannyń Brazılıadaǵy Elshisi jáne Argentınada qosa atqarýshy Bolat Núsipov qazaq aqyny, oıshyly jáne ulttyq ádebıettiń negizin qalaýshy Abaı Qunanbaıuly atyndaǵy kósheniń, sondaı-aq Argentınanyń Rosarıo qalasyndaǵy «Qazaqstan Respýblıkasy» alańynyń resmı ashylý rásimine qatysty, dep habarlaıdy Almaty-akshamy.kz SİM baspasóz qyzmetine silteme jasap.
Óz sózinde elshi Bolat Núsipov el basshylyǵynyń ulttyq sana-sezimdi, ózindik mádenı kodty saqtaý jáne mádenı jetistikterdi, onyń ishinde shetelde ilgeriletý jónindegi bastamalaryn iske asyrýdyń mańyzdylyǵyn atap ótti. Sonymen qatar, Qazaqstan Prezıdenti Qasym-Jomart Toqaevtyń «Abaı jáne HHİ ǵasyrdaǵy Qazaqstan» jáne «Abaı – rýhanı reformator» maqalalary aıasynda Abaıdyń qazaq mádenıetin damytýdaǵy róli men onyń murasynyń qazirgi qoǵam úshin mańyzdylyǵy erekshe atap ótildi.
Óz kezeginde, Qazaqstannyń Rosarıodaǵy Qurmetti konsýly Gýstavo Gýtıeres Qazaqstan halqynyń Abaı tulǵasyna beretin zor mańyzyn atap ótip, Abaıdyń álemdik mádenıet úshin Shekspır, Góte, Pýshkın nemese Moler sıaqty qundylyǵy bar ekenin atap ótti. Osyǵan baılanysty G.Gýtıeres Abaı kóshesiniń ashylýy argentınalyqtarǵa qazaq halqynyń tarıhy men salt-dástúrlerimen tanysýǵa qosymsha múmkindik beretinin atap ótti.
İs-sharalar 2019 jylǵy qarashada qol qoıylǵan memorandýmmen belgilengen Almaty men Rosarıo qalalary arasyndaǵy baýyrlastyq qatynastar sheńberinde ótti.