Bul týraly QR Mádenıet jáne sport mınıstriniń orynbasary Serik Jarasbaev málim etti
Sportsúıer qaýym úshin jýyrda «E-sport» sıfrlyq platformasy iske qosylmaq. Bul týraly QR Mádenıet jáne sport mınıstriniń orynbasary Serik Jarasbaev málim etti, dep habarlaıdy Almaty-akshamy.kz QazAqparatqa silteme jasap.
«E-sport» zamanaýı sıfrlyq platforma. Ol jerden qandaı sporttyq seksıalar bar, jattyqtyrýshysy kim degen sekildi barlyq aqparatty alýǵa bolady. Balasyn sportqa bergisi keletin ata-analar úshin erkin tańdaý. Sondaı-aq «E-sport» platformasyn tutynýshylarmen qatar, sport boıynsha qyzmet usynýshylar da qoldana alady. Mysaly, kez kelgen adam Iandeks, Indraıver mobıldi júıesine tirkelip taksı qyzmetin usyna alady ǵoı. Bul júıe de sondaı. Sporttan jattyqtyrýshy nemese bapker óz qyzmetin usynady», - dedi Serik Jarasbaev tilshilerdiń suraǵyna jaýap bere turyp.
Vıse-mınıstrdiń aıtýynsha, sport salasyndaǵy atalǵan jańashyldyq jýyrda iske qosylady.
«Siz ózińizge jaqyn sport túrin tańdaısyz, odan ári siz tańdaǵan sportqa qatysty barlyq derekter shyǵady. Iaǵnı seksıanyń meken-jaıy, jattyqtyrýshynyń sanaty qandaı taǵy sol sıaqty», - deıdi ol.