Qarsylastar osyǵan deıin kezdespegen
Qazaqstannyń birinshi, álemniń 25-raketkasy A QSH ashyq chempıonatynyń ekinshi aınalymyna shyǵa almady, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi alǵashqy aınalymda dúnıejúzilik reıtıńte 131-orynda turǵan fransıalyq Klara Búrelmen sheberlik baıqasty.
Qarsylastar osyǵan deıin kezdespegen bolatyn.
Birinshi partıada fransıalyq sportshy basym tústi - 6:4.
Klara ekinshi sette birden 2:0 esebimen alǵa shyqty. Aqyry sol qarqynynan jańylǵan joq - 6:4.
Osylaısha, E.Rybakına básekeniń favorıti bolǵanyna qaramastan, kútpegen jerden qarsylasyna ese jiberdi.
Saǵat jarymǵa sozylǵan machta E.Rybakına 4 eıs jasap, 9 breık-poınttyń bireýin ǵana paıdalandy. Fransıalyq sportshy 4 eıspen birge 3 breık-poıntty túgel óz esebine jazdy.
K.Búrel ekinshi aınalymda belgıalyq Elıson Van Eıtvank nemese amerıkalyq Vınýs Ýılámstiń bireýimen kortqa shyǵady.
Eske sala keteıik, budan buryn Aleksandr Býblıktiń AQSH ashyq chempıonatynyń ekinshi aınalymyna shyqqanyn jazǵan bolatynbyz.