Terapevt COVID-19 aýrýynyń vaksına alǵandar men egilmegender arasynda qalaı ótetinin salystyryp kórdi.
Reseılik terapevt Lapa vaksınalaýdan keıin koronavırýstyń aýyr aǵymynyń qaýpi is júzinde joıylady dep otyr, dep habarlaıdy Almaty-akshamy.kz Lenta.ru saıtyna silteme jasap.
Hodanova atyndaǵy ımmýnokorreksıa ortalyǵynyń bas dırektory, terapevt dáriger Lúdmıla Lapa Sputnik radıosyna bergen suhbatynda COVID-19 aýrýyn vaksınalanǵandar men egilmegenderdiń arasynda salystyryp qaraǵan.
Onyń aıtýynsha, vaksınasıadan keıin koronavırýstyń aýyr aǵymynyń qaýpi is júzinde joıylady, jeńil nemese ortasha aýyrlyqta aýyrý baıqalýy múmkin. Ol belgilerdiń vaksınalanbaǵan adamdardaǵydaı kórinýi múmkin ekenin, biraq aýrýdyń uzaqtyǵy aıtarlyqtaı erekshelenetinin atap ótti.
«Vaksınalanǵandar úshin munyń bári bir kún men úsh kún aralyǵynda ótip ketedi. Vaksınalanǵan adamnyń temperatýrasy da normadan joǵary kóterilýi múmkin, biraq bir kún ǵana. Eshqandaı terapıa qabyldaýdyń is júzinde qajeti joq», - dedi ol.
Maman koronavırýstyq ınfeksıaǵa qarsy ekpe almaǵan naýqas kem degende on kún boıy ózin nashar sezinetinin atap ótti. Eń jaqsy jaǵdaıda, vaksınalanbaǵan naýqastarda COVID-19-dyń negizgi belgileri bes kún ishinde paıda bolady, biraq aýrý munymen jazylyp kete qoımaıdy.
Buǵan deıin "omıkron" shtamynyń elde taralýyna baılanysty, vaksınalanbaǵandarda uzaq merzimdi densaýlyqqa jaǵymsyz saldarlardyń paıda bolýy týraly eskertilgen bolatyn. Azamattarǵa medısınalyq maskany nemese respıratordy úıde, jabyq jaılarda jáne basqa adamdarmen baılanysta paıdalaný, sondaı-aq qoldy jıi jýý men antıseptık qoldaný usynylady.