Pıter Grıffıts «Qazaqstannyń avıasıalyq ákimshiligi» AQ bas dırektory qyzmetinen ketedi. Bul týraly QR Indýstrıa jáne ınfraqurylymdyq damý mınıstrligi Azamattyq avıasıa komıtetinen málim etti, dep habarlaıdy Almaty-akshamy.kz.
«2021 jylǵy 7 jeltoqsanda berilgen ótinishine sáıkes, 2022 jylǵy 7 aqpannan bastap Pıter Grıffıtstiń «Qazaqstannyń avıasıalyq ákimshiligi« AQ bas dırektory qyzmetindegi ókilettigi óz erkimen toqtatylady.
Pıter Grıffıts «Qazaqstannyń avıasıalyq ákimshiligi« AQ qurylǵannan beri 2 jyldan astam jumys istedi jáne avıasıalyq retteýshiniń damýyna úlken úles qosty. Onyń basshylyǵymen azamattyq avıasıany basqarý boıynsha aldyńǵy qatarly eýropalyq modelge sáıkes avıasıalyq ákimshiliktiń qalyptasýy ótti. Mundaı tásil Qazaqstanda alǵash ret engizildi jáne TMD elderi arasynda biregeı bolyp tabylady», - dep atap ótti komıtette.
2022 jylǵy 7 aqpannan bastap Lında Orledı «Qazaqstannyń avıasıalyq ákimshiligi» AQ bas dırektory mindetin ýaqytsha atqaratyn bolady. Ol 2019 jylǵy jeltoqsannan bastap Bas dırektordyń birinshi orynbasary, ushý qaýipsizdiginiń bastyǵy qyzmetin atqaryp keldi.
Vedomstvonyń málimetinshe, 2021 jylǵy 2-11 tamyz aralyǵynda ushý qaýipsizdigi boıynsha IKAO-nyń Úılestirilgen valıdasıalyq mısıasy (ICVM) aıasynda IKAO aýdıtorlarynyń salany táýelsiz tekserý qorytyndylary boıynsha Qazaqstan IKAO standarttaryna sáıkestiktiń ortasha álemdik deńgeıinen 15 paıyzǵa asyp, 84 paıyzǵa jetti.