26 qańtarda saǵat 00:00-den bastap qaýiptiliktiń joǵary «qyzǵylt sary» deńgeıi engiziledi.
Terorızmge qarsy kúres jónindegi qalalyq jedel shtab Almatydaǵy jaǵdaıdyń turaqtanǵany týraly málimdedi, dep habarlaıdy Almaty-akshamy.kz
«Qala aýmaǵynda qabyldanǵan qaýlyǵa sáıkes, 2022 jylǵy 26 qańtarda saǵat 00:00-den bastap lańkestikke qarsy operasıa rejımi toqtatylyp, terorıstik qaýiptiliktiń «qyzyl» deńgeıi joıyldy», - dep jazylǵan Terorızmge qarsy kúres jónindegi qalalyq jedel shtabtyń habarlamasynda.
Sol ýaqyttan bastap lańkestik qaýiptiliktiń joǵary «qyzǵylt sary» deńgeıi belgilenedi.
Arnaıy jasaq jáne quqyq qorǵaý organdary tártipsizdikterge qatysýshylar men uıymdastyrýshylardy anyqtaý boıynsha jedel izdestirý sharalaryn jalǵastyrýda.
Terrorlyq qaýiptiń qazirgi deńgeıinde quqyq qorǵaý organdaryna qarý-jaraq pen jarylǵysh zattardy tabý maqsatynda kólik quraldaryn tintýge ruqsat etilgen.
Almaty turǵyndarynan quqyq qorǵaý organdarynyń jumysyna túsinistikpen qarap, shydamdylyq tanytyp, olardyń zańdy talaptaryn buljytpaı oryndaý suralady.