Qazaqstanda KVI 1,4 mln-nan astam jaǵdaıy tirkeldi
Dúnıejúzilik densaýlyq saqtaý uıymy COVID-19 pandemıasynyń statýsyn joıdy, dep habarlaıdy Almaty-akshamy.kz QazAqparatqa silteme jasap.
«Bir jyldan astam ýaqyt boıy pandemıa tómendeý úrdisin saqtap kelgen: halyqtyń ınfeksıalarǵa qarsy ımýnıteti artyp, ólim-jitim azaıyp, densaýlyq saqtaý júıesine qysym azaıyp keledi. Bul kóptegen elderge koronavırýs ınfeksıasy bastalǵanǵa deıingi ómirge qaıta oralýǵa múmkindik berdi, sondyqtan men pandemıanyń aıaqtalǵanyn jarıalaı alam degen úmittemin», - dedi DDSU bas dırektory Tedros Gebreıesýs Jenevada ótken baspasóz máslıhatynda.
Eske salaıyq, SARS-CoV-2 koronavırýsynyń taralýynan týyndaǵan COVID-19 jaǵdaıy 2020 jyldyń 30 qańtarynda resmı túrde densaýlyq saqtaý salasynda halyqaralyq deńgeıdegi tótenshe jaǵdaı dep jarıalanyp, 11 naýryzda tótenshe pandemıa statýsyn alǵan bolatyn.
Qazaqstanda KVI 1,4 mln-nan astam jaǵdaıy tirkeldi, taǵy 91 myń adam koronavırýs belgileri bar pnevmonıaǵa shaldyqty. Epıdemıanyń búkil kezeńinde koronavırýstan 13 848 qazaqstandyq qurban boldy, taǵy 5 413 adam KVI belgileri bar pnevmonıadan qaıtys boldy.
Vırýs álemniń 114 elinde taraǵan. Pandemıa bastalǵannan beri álemde 20 mln adam qaıtys boldy.