Almaty oblysy, Eńbekshiqazaq aýdanynda dárigerge qol kótergen er adam 3 táýlikke qamaldy, dep habarlaıdy Aqshamnews.kz tilshisi.
Oqıǵa Eńbekshiqazaq aýdandyq aýrýhanasynyń qabyldaý bóliminde bolǵan. 8 qyrkúıekte saǵat 17:00 shamasynda balasyn jaraqatymen alyp kelgen er adam dárigerdiń usynysyna kelispeı, onyń qyzmetine kedergi keltirgen.
Travmatolog balanyń súıegi synýy múmkin ekenin aıtyp, gıps salý kerek degen. Alaıda ákesi dárigerdiń pikirine qarsy shyǵyp, daý kezinde medısına qyzmetkerine aıqaılap, jaǵasynan alady.
Sotta azamat kinásin moıyndap, emosıaǵa berilgenin túsindirgen. Dáriger bolǵan jaıtty rastady.
Sot materıaldaryn zerttegennen keıin, er adam QR ÁQBtK-niń 80-1-babynyń 2-bóligi («Medısınalyq qyzmetkerdiń zańdy qyzmetine kedergi keltirý») boıynsha kináli dep tanylyp, 3 táýlikke ákimshilik qamaýǵa alyndy.
Sot medısına qyzmetkerlerine qurmetsizdik kórsetý, olardy qorqytý nemese kúsh qoldaný zańmen jazalanatynyn atap ótti.