Almatyda Kaırat Nurtastyń konserti aldynda qaýipsizdik sharalary kúsheıtildi, dep habarlaıdy Aqshamnews.kz tilshisi.
Almaty qalalyq polısıa departamenti 31 qazanda Ortalyq stadıonda ótetin Kaırat Nurtastyń konsertine baılanysty qoǵamdyq tártip pen kórermenderdiń qaýipsizdigin qamtamasyz etý maqsatynda qalada qaýipsizdik sharalaryn kúsheıtti.
Jol keptelisteriniń aldyn alý úshin kólik qozǵalysy Abylaı han dańǵyly – Baıtursynov, Muqanov jáne Sátbaev kósheleriniń aralyǵynda ishinara shektelýi múmkin.
Polısıa turǵyndar men qala qonaqtaryn engizilip jatqan sharalarǵa túsinistik tanytyp, jol baǵytyn aldyn ala josparlaýǵa shaqyrdy.
"Qoǵamdyq tártipti saqtańyzdar jáne polısıa qyzmetkerleriniń nusqaýlyǵyna qulaq asyńyzdar. Qala turǵyndary men qonaqtarynyń qaýipsizdigi – bizdiń basty mindetimiz", – delingen polısıa habarlamasynda.
Quqyq qorǵaý organdary barlyq sharalar qala turǵyndary men qonaqtary úshin mádenı shara kezinde jaıly jáne qaýipsiz jaǵdaı jasaýǵa baǵyttalǵanyn atap ótti.