500-ge jýyq adam aýrýhanada em alyp jatyr.
Almatyda bir táýlikte 158 adam koronavırýs juqtyrdy. Onyń 141-de sımptom bar, 17-sinde aýrý belgileri joq, dep habarlaıdy Almaty-akshamy.kz.
Jazylyp shyqqandar sany 66 bolsa, 31 adam aýrýhanaǵa jańadan tústi. 1330 tósek-oryndyq ınfeksıalyq stasıonarlarda 495 adam jatyr, onyń ishinde 24 bala bar. Jalpy reanımasıa jáne qarqyndy terapıa bólimshesinde 52 adam jatyr.
«22 naýqas jasandy tynys alý apparatyna qosylǵan. Invazıvti emes jasandy tynys alý apparatynda 5 adam em qabyldaýdy jalǵastyrýda. High flow-da 9 apparat jumys isteıdi», - delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.
Medısınalyq-sanıtarlyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 1566 naýqas bar. Onyń ishinde jeńil jáne ortasha aýyr jaǵdaıda 1426 naýqas, sımptomsyz 140 naýqas bar.