Qazaqstannyń juptyq syndaǵy birinshi raketkasy Andreı Golýbev Indıan-Ýells masters týrnıriniń jartylaı fınalyna shyqty
Qazaqstandyq tenısshi germanıalyq Aleksandr Zverevpen birge shırek fınalda amerıkalyqtar Teılor Frıs – Tommı Polmen sheberlik baıqasty. Qazaqstandyq-amerıkalyq jup 6:4, 7:6 (7:3) esebimen jeńiske jetti, dep habarlaıdy Almaty-akshamy.kz QazAqparatqa silteme jasap.
Olar saǵat jarymǵa jýyq ýaqytqa sozylǵan mach barysynda 6 eıs jasap, 4 breık-poınttyń bireýin paıdalandy. Qarsylastary 6 eıske qol jetkizgenimen, 5 breık-poıntty múlt jiberdi.
A.Golýbev pen A.Zverev jartylaı fınalda amerıkalyqtar Djon Izner – Djek Sok nemese ıspanıalyq Fılısıano Lopes – grekıalyq Stefanos Sısıpas juptarynyń qaı jeńgenimen kezdesedi. Andreı Golýbev osyǵan deıin jekeleı jáne juptyq synda masters jarystarynda jartylaı fınalda oınamaǵan edi.