Kórmege sýretshiniń 90 -nan astam keskindeme jáne grafıkalyq jumystary qoıylǵan.
Murajaı qabyrǵasynda ótetin ekinshi jeke kórmesinde Svetlana Kakotkına «Terezeden tys kórinis» atty avtorlyq óleńder jınaǵynyń da tusaýyn kesedi, dep habarlaıdy Almaty-akshamy.kz
2021 jyldyń 15 qyrkúıeginde saǵat 16.00 -de Á.Qasteev atyndaǵy QR Memlekettik Óner mýzeıiniń Ortalyq kórme zalynda almatylyq sýretshi Svetlana Kakotkınanyń «Terezeden tys kórinis» atty kórmesiniń ashylýy ótedi.
Svetlana Kakotkına 1979 jyly Almatyda dúnıege kelgen. Ol óner jolyndaǵy bastapqy bilimin klasıkalyq óner gımnazıasynda alǵan. Gımnazıany sátti aıaqtaǵannan keıin, ol sáýlet ınstıtýtyna dızaın bólimine oqýǵa túsedi. Onda kafedranyń kóptegen baıqaýlary men kórmelerine qatysady.
Joǵarǵy oqý ornyn bitirgennen keıin Svetlana kórkemsýret mektebinde muǵalim, jarnama agenttikteri men jýrnaldarda dızaıner, úılestirýshi bolyp jumys jasaıdy. Keıinirek Svetlana ıntererge, úılerdiń qurylysy men jóndeý jumystaryna qyzyǵýshylyq tanytyp, qyzmet aıasyn keńeıtedi. Sýretshiniń ınterer jumystary «Ideas», «Elite House» sıaqty taqyryptyq jýrnaldarda jarıalanǵan.
«Kórermender nazaryna «Terezeden tys kórinis» dep atalatyn shyǵarmalar toptamasyn usynamyn. Karantındik shekteý sharalarynan erkindikke shyqqym keldi, alaıda qol-aıaǵymyz jipsiz baılanyp, úıde otyrýǵa týra keldi. Sondyqtan úıden shyqpastan, sulýlyqty izdedim. Bir jyl buryn, kovıdtiń dúrbeleńi men qorqynyshy endi bastalǵan kezde, maǵan shabyttandyratyn, qanattandyratyn dúnıeni tabý kerek boldy. Tereze tósenishteri, terezeler, natúrmorttar, bólme gúlderi, terezedegi kórinister. Biraz ýaqyttan keıin saıabaqtar men taýlarda serýendeýge jáne sýret salýǵa múmkindikter ashyldy, biraq shekteýler tolyqtaı alynbaǵan edi. Terezeden tys kórinis – terezeniń arǵy jaǵyndaǵy ómir. Tereze áınegi - bul álemder arasyndaǵy ótkel - meniń keńistigim men úlken álem arasyndaǵy shekara ispettes. Al bastysy qaısy ekeni beımálim – syrttaǵy álem be nemese ishtegi me? Keıde aǵashtar men úıler meniń jumysymda negizgi oryndy alady. Ádettegi tanys nárselerden-aq úlken shabyt alýǵa bolady eken. Mysaly, terezedegi shegirgúlden, japyraqtarǵa túsken kún sáýlesinen, tabıǵat aıasyndaǵy serýenderden. Pandemıadan keıingi klaýstrofobıadan keıin álemge jańasha kózqaraspen qaraı bastaıdy ekensiń. Men óz jumystarymda karantın aıaqtalǵan kezdegi bostandyqtyń qýanyshyn, al shekteý kezindegi terezedegi kórinis arqyly ǵana tamashalaýdyń zildi muńyn jetkize aldym dep úmittenemin», -deıdi Svetlana Kakotkına.