Bul - pandemıa bastalǵaly bergi eń joǵary jańa kórsetkish.
Dúnıejúzilik densaýlyq saqtaý uıymy (DDSU) sársenbige qaraǵan túni koronavırýs juqtyrǵandar sany aldyńǵy jeti kúnmen salystyrǵanda 5%-ǵa, al ólim-jitim 1%-ǵa artqandyǵyn málimdedi, dep habarlaıdy Almaty-akshamy.kz
Sońǵy aptada álemde 21 mıllıonnan astam adam koronavırýsty juqtyrdy. Bul - pandemıa bastalǵaly bergi eń joǵary jańa kórsetkish.
17 qańtar men 23 qańtar aralyǵynda DDSU aptalyq búlleteni «ótken aptamen salystyrǵanda COVID-19 jańa jaǵdaılarynyń bes paıyzǵa artýyn» tirkedi - 21 362 288 adam koronavırýs juqtyrǵan. Jeti kún ishinde 49 890 naýqas qaıtys bolǵan, bul bir apta burynǵy kórsetkishten 1%-ǵa artyq.
Ótken aptamen salystyrǵanda (10-16 qańtar), juqtyrǵandar sanynyń artýy Shyǵys Jerorta teńizinde 39%-ǵa, Ońtústik-SHyǵys Azıada (36%-ǵa) jáne Eýropada 13%-ǵa artty. Eýropada bir aptada juqtyrǵandar sany 10 mıllıonnan asty jáne bul álemdegi barlyq jańa ınfeksıalardyń 47% quraıdy. Ólim, ásirese, Ońtústik-SHyǵys Azıada 44%-ǵa jáne Shyǵys Jerorta teńizinde 15%-ǵa qatty ósti. Sonymen qatar Afrıkada, Batys Tynyq muhıt aımaǵynda jáne Eýropada sáıkesinshe 14%, 12% jáne 5% tómendedi. Amerıka Qurama Shtattary bir aptadaǵy ınfeksıalardyń eń kóp sany týraly habarlady (4 215 852). Odan keıin Fransıa (2 443 821), Úndistan (2 115 100), Italıa (1 231 741) jáne Brazılıa (824 279) keledi.
Dúnıejúzilik densaýlyq saqtaý uıymynyń málimetine sáıkes, 25 qańtardaǵy jaǵdaı boıynsha, álemde pandemıa bastalǵannan beri 352 796 704 adam aýrý juqtyryp, 5 600 434 adam qaıtys bolǵan. Al ótken táýlikte 2 158 785 adamnyń indetke shaldyqqany jáne 6 189 adamnyń kóz jumǵany týraly habarlandy.