Almaty aspanyn ánge bólep, kóńildi atmosfera qalyptastyrǵan Jetisý aýdanyndaǵy №536 saılaý ýchaskesinde jumys qyzyp jatyr.
Tipti daýys berýge kelgen turǵyndar kezekke turýda. Saılaýshylardyń qatarynan qarttardy da, alǵash daýys berýshilerdi de baıqaýǵa bolady, dep habarlaıdy Almaty-akshamy.kz.
№536 saılaý ýchaskesiniń tóraǵasy Aqbaıan Bımendınovanyń aıtýynsha, el bolashaǵyna beıjaı qaramaıtynyn tanytyp, daýys berýge kelip jatqan saılaýshylar qatary kóp.
«Búgin saılaý ýchaskesine eń birinshi kelip daýys bergen Joldas Nurahynovqa, 18 jasqa tolyp, eń alǵash daýys bergen Ánel Melisqyzyna jáne jubymen kelip daýys bergen qarttarǵa syılyq tabystadyq», - deıdi №148 mektep gımnazıada ornalasqan №536 saılaý ýchaskesiniń tóraǵasy Aqbaıan Jalmuhambetqyzy.