Kóshede ótip bara jatqandardy gaz tapanshamen qorqytqandar jalǵan polıseıler bolyp shyqty.
Olar adamdardy gaz tapanshamen qorqytyp, aqshalary men telefondaryn tartyp alǵan, dep habarlaıdy Almaty-akshamy.kz.
Polisia.kz-tiń málimetinshe, ózderin polısıa qyzmetkeri retinde tanystyrǵan eki azamat ótip bara jatqan adamdardy tonaǵan.
«Tergeýdiń osy kezeńinde, kúdiktiler – 27 jastaǵy A.esimdi azamat pen 20 jastaǵy G.esimdi azamat jastardy toqtatyp, ózderin polısıa qyzmetkerimiz dep tanystyrǵan. Sodan olarǵa jalǵan qyzmettik kýálik kórsetip, esirtki qylmysyn jasady degen kúdikpen ustaldy dep sendirgeni belgili boldy. Odan keıin olar aqsha talap etken, kónbegen jaǵdaıda, gaz tapanshasymen qorqytyp, telefondary men aqshasyn tartyp alǵan. Qazirgi ýaqytta ustalǵandardyń qalanyń basqa aýdandarynda da osyǵan uqsas qylmysqa qatysy bar-joǵyn anyqtalyp jatyr. Eki kúdikti de ýaqytsha ustaý ızolátoryna qamaldy», – dedi Medeý aýdandyq polısıa basqarmasynyń bastyǵy İlıas Ómirserikov.
Sonymen qatar polısıa QR QK-niń 201-babyna sáıkes ózge aqparat tergeý múddesine oraı jarıa etilmeıtinin eske saldy. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.