Almaty qalasy ákiminiń orynbasary Nurlan Ábdirahym men Qoǵamdyq densaýlyq saqtaý basqarmasynyń basshysy Marat Pashımov qalanyń densaýlyq saqtaý nysandaryna qatysty keńes ótkizdi.
Keńeste №3, 5, 7, 12, 18, 20, 21 jáne 27 qalalyq emhanalarda, Adam reprodýksıasy ortalyǵynda, №2, 3 jáne 8 jedel járdem qosalqy stansıalarynda, sondaı-aq «Balalar úıi» qalalyq mamandandyrylǵan mekemesinde jáne «Alaý» ońaltý ortalyǵynda júrgizilip jatqan kúrdeli jóndeý jumystarynyń aıaqtalý merzimi talqylandy. Barlyq nysan múmkindigi shekteýli azamattardyń yńǵaıyna beıimdeledi. Jumys kestesinen keshigip jatqan merdiger uıymdarǵa eskertý jasaldy.
Sondaı-aq, Medeý aýdanynda jedel járdem qosalqy stansıasyn, Túrksib aýdanynda otbasylyq ambýlatorıany salý jobalary, sondaı-aq, №16 emhana men patologoanatomıalyq búrony seısmıkalyq kúsheıtý, qalpyna keltirý jáne men kúrdeli jóndeý jumystarynyń jobalary qaraldy.
Ákimniń orynbasary týyndaǵan máselelerdi jedel sheshý qajettigin jáne bul jumysty Qoǵamdyq densaýlyq saqtaý basqarmasymen, Qurylys basqarmasymen, Qala qurylysyn baqylaý basqarmasymen jáne merdiger uıymdarmen tyǵyz ózara qarym-qatynasta atqarý mańyzdy ekenin atap ótti.
Barlyq jumys Almaty qalasy ákimdigi men Qoǵamdyq densaýlyq saqtaý basqarmasynyń jiti baqylaýyna alynǵan.