Almatyda ulttyq qundylyqtarǵa arnalǵan ǵylymı-praktıkalyq konferensıa ótti.
31 qazanynda Almaty qalasyndaǵy Respýblıkalyq ǵylymı-pedagogıkalyq kitaphanada «Ulttyq qundylyqtar akademıasy» respýblıkalyq qoǵamdyq birlestiginiń uıymdastyrýymen «Ulttyq qundylyqtar: tanym, taǵylym. Adal azamat» atty ǵylymı-praktıkalyq konferensıa ótti.
Sharaǵa Májilis depýtaty Murat Ábenov, qoǵam qaıratkeri Asyly Osman, Qazaqstannyń Eńbek Eri, bilikti pedagog Aıagúl Mırazova, elimizdiń áleýmettik-ekonomıkalyq damýyna eleýli úles qosyp júrgen qoǵam qaıratkerleri, QR Oqý-aǵartý mınıstrliginiń, «Amanat» partıasynyń, Almaty qalalyq jáne aýdandyq máslıhattarynyń ókilderi, ǵalymdar, pedagog-praktıkter, jazýshylar men oqýlyq avtorlary, sondaı-aq qoǵamdyq uıymdar men baspa jáne BAQ ókilderi qatysty.
Konferensıada ulttyq qundylyqtardyń bilim men tárbıeniń birtutastyǵyn qamtamasyz etýdegi róli, sonymen qatar olardy ǵylymı-ádisnamalyq jáne praktıkalyq turǵyda iske asyrý joldary talqylandy. Qatysýshylar qundylyqqa baǵdarlanǵan tárbıe jumystarynyń úzdik tájirıbelerimen bólisip, óz usynystaryn ortaǵa saldy.
Shara aıasynda kórkem ádebıetter men oqýlyqtar kórmesi uıymdastyryldy. Kórmege «Atamura», «Almatykitap», «Arman-PV», «Kókjıek», «Mektep» syndy iri baspalar óz ónimderin usyndy. Sondaı-aq zertteý nátıjeleri negizinde daıyndalǵan ǵylymı ujymdyq eńbekterdiń tusaýkeseri ótti.
Konferensıa mazmundy da taǵylymdy ótti. Qonaqtar men qatysýshylar oqýshylar men pedagogterdiń ónerin tamashalap, rýhanı qundylyqtardyń qoǵam ómirindegi mańyzyn taǵy bir márte aıqyndady.