"QazAvtoJol" júrgizýshilerge aýa raıynyń nasharlaýyna baılanysty eskertý jasady, - dep habarlaıdy aqshamnews.kz tilshisi.
"Abaı oblysynda 4 qarashada túnde oblystyń batysynda, soltústiginde, ońtústiginde jaýyn-shashyn, kóktaıǵaq, kúndiz jaýyn-shashyn, kóktaıǵaq kútilip otyr. 5 qarashada qar jaýyp, burqasyn, kóktaıǵaq bolady, oblystyń batysynda, soltústiginde, shyǵysynda qalyń qar jaýady", - dep habarlady Ulttyq kompanıa.
Vedomstvonyń málimetinshe, oblystyń soltústiginde, shyǵysynda tuman túsedi. Ońtústik-shyǵystan soǵatyn jel ońtústik-batysqa, batysqa aýysady, ekpini 15-20, oblystyń ońtústiginde, shyǵysynda keı ýaqyttarda 23-28 m/s. Aýa temperatýrasynyń 5 qarashada túnde jáne kúndiz 5-10 aıazǵa deıin tómendeýi kútiledi.
"QazAvtoJol" turǵyndardan jolda júrý erejelerin qatań saqtap, aýa raıynyń qolaısyzdyǵyn eskerip, uzaq jolǵa shyqpaýdy surady.