Qalanyń bas sanıtar dárigeri Jandarbek Bekshın 19 maýsymnan bastap jańa qaýly kúshine enetinin aıtty.
Atalǵan qujatqa sáıkes, bızneske birqatar jeńildik beriledi, dep habarlaıdy Almaty-akshamy.kz
Jandarbek Bekshıniń aıtýynsha, Almatydaǵy epıdemıologıalyq jaǵdaı turaqtanǵan.
«Almaty 12 maýsymnan bastap «jasyl» aımaqta tur. Aıdyń basynan beri koronavırýstyń taralýy 2 ese azaıdy. Sońǵy táýlikte KVI-diń 112 jaǵdaıy tirkeldi, al táýliktik ósim 0,1 paıyzǵa tómendedi. Almaty qalasynda epıdemıa bastalǵaly koronavırýstyń 71 820 jaǵdaıy, al osy jyldyń basynda 53 myńnan astam jaǵdaı tirkelgen. Al qazir jaǵdaı ońalǵan, aýrýdyń taralýy aıtarlyqtaı báseńdegen. Halyqtyń 100 myńyna shaqqanda aýrý deńgeıiniń tómendeý dınamıkasy turaqty, sońǵy 7 kúnde 64,7-den 39,8-ge deıin azaıdy», - dedi ol.
Sonymen qatar, ol Almaty «jasyl» aımaqta jeti kún tursa, onda karantın sharalary jeńildetiletinin málim etti.
«Qazaqstan Respýblıkasynyń bas memlekettik sanıtarlyq dárigeriniń 2021 jylǵy 25 naýryzdaǵy №12 qaýlysyna sáıkes, Almaty qalasynyń bas memlekettik sanıtarlyq dárigeriniń áleýmettik-ekonomıkalyq obektilerdiń qyzmetin jeńildetý tártibi týraly qaýly daıyndaldy. Matrısanyń «jasyl aımaqqa» ótkeninen keıin jeti kúnnen soń, ıaǵnı 19 maýsymnan bastap jeńildeıdi», - dedi Jandarbek Bekshın.
Eske sala ketsek, 12 maýsymnan bastap Almaty «jasyl» aımaqta tur.