Hrestomatıalyq oqý quraly retinde jazylǵan.
Almatydaǵy Ulttyq kitaphanada jyrshy Ábish Ádilbektiń «Jyraýlar sózi – tarıhtyń kózi» atty kitabynyń tusaýkeseri ótti, dep habarlaıdy Almaty-akshamy.kz Almaty.tv silteme jasap.
"Ejelgi saq, ǵun dáýirinen bastap, patshaly Reseı kezindegi jyraýlar sózinen syr shertken týyndy, qazaq ultynyń salt-dástúr, tarıhy men jyraýlyq ónerin, tektiligi men danalyǵyn aıqyndap bergendeı. Hrestomatıalyq oqý quraly retinde jazylǵan bul eńbek jas urpaqqa túbimizdiń kim ekenin, qazaqtyń qaıdan shyqqanyn hám kim bolǵanyn tanytyp, tarıhı sanasyn qalyptastyrýda úlesi zor bolmaq", - deıdi jınalǵandar.
«Táýelsiz elimizde táýelsiz, azat bolyp ómir súrýimiz kerek. Táýelsizdigimiz baıandy bolýy kerek. Quldyq sanadan arylýymyz kerek. Sol quldyq sanadan arylyp, ulttyń rýhyn kóterip, jas urpaqqa tarıhı sanasyn qalyptastyrý maqsatynda osy kitapty jazyp shyqtym», - dedi «Jyraýlar sózi – tarıhtyń kózi» kitabynyń avtory Ábish Ádilbek.